Pozdrav Svima,

Ne znam da li neko zna Makedonski ovde, ali bih bila veoma zahvalna kada bi neko mogao da mi prevede ovaj recept. Ja razumijem nešto, ali ne bas sve, a ne bih da nagadjam. Sastojke razumijem, samo priprema mi treba.

Najljepse hvala

За подготовка на овие кифли потребни ви се следниве производи:

- 500 гр. Брашно
- 1 свеж квасец
- 300 мл. Млеко
- малку шеќер
- 250 гр. маргарин
- 4 јајца
- 50 гр. Сусам
- масло за јадење
- сол

Потребно време за подготовка на овие кифли е 50-тина минути.

Во садот со свежиот квасец, додаваме 2 лажички шеќер и малку сол. Потоа во садот додаваме малку млака вода. Со лажичката мешаме додека квасецот не се растопи. Додаваме уште 2-3 лажички брашно и го оставаме квасецот да стаса.
Го земаме садот со брашното и во средината на брашното правиме длабнатина. Во длабнатината ставаме сол и една лажичка шеќер. Потоа во длабнатината го истураме стасаниот квасец и мешаме со лажицата додавајќи масло за јадење. Со рака го замесуваме тестото, постепено додавајќи млака вода. Кога тестото ќе биде доволно тврдо го вадиме на работната маса.
Тестото убаво го месиме со двете раце и го формираме во една голема топка. Вака подготвеното тесто неколку пати го удираме од работната маса. Потоа во тестото правиме 2 длабнатини, во кои додаваме уште малку масло за јадење. Со ова кифличките ќе бидат помеки и повкусни.
Тестото уште еднаш убаво го месиме со двете раце и повторно формираме топка. Го оставаме тестото на чинија да стаса околу 10- тина минути. Од тестото сукаме кора, а потоа кората ја сечеме на ленти. Лентата со нож ја засекуваме на неколку места, а потоа виткаме кифличка. Тавата за печење ја премачкуваме со маргарин и во неа ја ставаме готовата кифла. Втората лента ја сечеме на 3 дела и од неа плетеме плетенка. И неа ја ставаме во тавата за печење. Од лентите формираме различни форми, во зависност од вкусот.
Една лента со раце ја формираме во многу долго стапче, кое потоа го врзуваме во јазол, а краевите неколку пати ги протнуваме околу јазолот. И оваа форма ја ставаме во тавата за печење.
Целото преостанато тесто, го сукаме во една поголема кора и го сечеме на 16 еднакви делови. Од секој дел виткаме кифличка, па и нив ги редиме во тавата.
Земаме едно јајце и ја делиме белката од жолчката. Во еден сад жолчката со вилушка ја матиме и со неа ги премачкуваме готовите кифлички. Врз жолчката наросуваме сусам. Врз секоја кифличка ставаме едно мало парче маргарин.
Тавата со кифлички ја ставаме да се пече во фурна 20- тина минути, на температура од 250 степени. Кога кифличките ќе добијат златно румена боја, тавата ја вадиме од фурна и ја ставаме на работната маса. Изладените кифлички ги редиме во дрвени кошнички.

Добар апетит.